Prentsa arduraduna:
Aitor Ubarretxena. Infotres Comunicación.
943 22 45 30 / 609 12 16 66
E-mail: E-mail hau spam roboten kontra babestuta dago. JavaScript aktibatuta izatea behar duzu hau ikusteko.
Prentsa
Araba Encounter 7
-
Araba Encounter 07 online egingo da, 340 plaza birtualekin
Ekitaldi teknologiko honen zazpigarren edizioa abenduan egingo da urtero bezala, hilaren 6tik 7ra. Aurten, jarduera guztiak birtualak izango dira, eta parte-hartzaileak beren etxeetatik arituko dira. Antolatzaileek, berriz, Arabako Parke Teknologikoan instalatutako kontrol-gunetik koordinatuko dituzte jarduera guztiak. Topaketa Euskaltel Fundazioak antolatu du, Euskaltelen, Arabako Foru Aldundiaren eta Eusko Jaurlaritzaren (SPRI taldearen bidez) laguntzarekin
Euskal Encounter 28
-
Euskal Encounter topaketa teknologiko birtualak 3.317 parte-hartzaile eta 100.000 ikusle elkartu ditu
Estatuko lanparty handi eta jendetsuenak pandemiari aurrea hartu dio, eta eskainitako ehundik gora jarduerek jarraipen nabarmena izan dute. Hiru egunetan Twitch bidez igorritako saioak 100.000 ikusle bakar baino gehiago izan ditu, behin behineko zifretan oinarrituz. Urretxun (Gipuzkoa) bildutako antolatzaile taldeak jakinarazi du ekintzetan parte-hartze handia izan dela eta hitzaldiek ikusle ugari erakarri dituztela. Gaur gauean amaituko den Euskal Encounter 28 topaketa birtualak 3.317 parte-hartzaile elkartu ditu. Antolatzaile taldea pozik agertu da emaitzarekin, baita gauzatutako ehundik gora ekintzek izan duten jarraipen nabarmenarekin ere. Twitch plataformaren bitartez igorritako saioak, gainera, 100.000 ikusle bakar baino gehiago izan ditu, behin behineko datuen arabera.Bilkura Euskaltel Fundazioak antolatu du, Eusko Jaurlaritzaren (SPRIren bitartez), Gipuzkoako Foru Aldundiaren eta Urretxuko Udalaren laguntzarekin. Euskaltel Fundazioaren egitekoa da pertsona, enpresa eta ekimenen arteko lotura sustatzea, Informazioaren eta Komunikazioaren Teknologien erabileraren testuinguruan. Hori dela eta, urtero antolatzen ditu topaketa teknologikoak, hiru lurraldeetan, informatika eta teknologia zaleen eta profesionalen artean ezagutzak, ideiak eta balioak partekatzeko helburuarekin. Urretxuko Ederrena frontoian bildutako antolatzaile taldeak jakinarazi du ekintzetan parte-hartze handia izan dela eta hitzaldiek ikusle ugari erakarri dituztela. Esaterako, hitzaldien edukiera handitu egin behar izan da, areto birtualak 50 lagun hartzeko prestatuak baitzeuden, eta mintzaldi batzuetan 400dik gora pertsonek parte hartu nahi izan dute. Hortaz, espazio birtual berriak sortu behar izan dira, momentuan, pertsona horiei guztiei lekua egiteko. Halaber, sormen digital, programazio, bideo-joko eta hardware arloetako lehiaketek bilkura presentzialen antzeko partaidetza maila izan dute. Revival edizioaEuskal Encounter topaketa bere sorgunera itzuli da aurten. Izan ere, Urretxuko frontoian ospatu zen bilkura teknologiko hau, lehen aldiz, 1994an, 36 parte-hartzailerekin, 25 ordenagailurekin eta Internetik gabe, noski. Aurtengo partya, berriz, desberdina izan da, noski, segundoko 10 Gb-eko sarea ezarri baitu Euskaltelek frontoian. Topaketa gauerdia pasata amaituko da, Grison eta Jaime Caravaca ospetsuen beatbox eta komedia saioarekin. Euskal Encounterren Twitcheko kanalaren bitartez jarraitu ahal izango da transmisioa.
-
Adimen artifizialaren aplikazioez eta COVID-19aren aurka dituen erabilpenez mintzatu dira hainbat aditu Euskal Encounterren
Adimen artifizialaren alorreko datu-zientzialari eta ikertzaile Jesús López Lobok, Tecnaliako adituak, baieztatu du neurrira eginiko medikuntza izan daitekeela “itxaroten ari garen boom hori”. Vicomtech teknologia-zentroko ikertzaile Unai Elordi COVID-19ari aurka egiten lagun dezaketen estrategiez mintzatu da. Tenperaturaren, distantzia sozialaren eta maskararen erabileraren kontrola eramateko balio duten aplikazioak nahiz jende pilaketak neurtzen dituzten bideo-zaintza sistemak aztertu ditu. Ikuspen eta adimen artifiziala azaleko patologiak hauteman eta tratatzeko erabiltzen dituen Legit Health enpresako fundatzaile-kide Alfonso Medelak uste du adimen artifizialaren alde apustu egin behar dela melanomen detekzio goiztiarra sustatzeko.
-
Euskal Encounter topaketaren antolatzaileak zoriondu dituzte erakundeek, hitzordua mantendu dutelako zailtasunak zailtasun
Gaurtik igandera bitartean gauzatuko den lanpartyaren inaugurazio ekitaldian parte hartu duten ordezkari politikoek Euskaltel Fundazioaren lana txalotu dute, urteroko bilkura burutzeko egindako esfortzuagatik. 3.000 parte-hartzaile inguru konektatu dira jada festa teknologikora. Antolatzaile taldea, berriz, Urretxuko Ederrena frontoian elkartu da, 1994an lehen Euskal Encounterra hartu zuen lekuan, hain zuzen ere. Arte digital, programazio, bideo-joko eta hardware bezalako arloen inguruko 30 hitzaldi eta 70 lehiaketa baino gehiago egingo dira egunotan, informatika zaleak birtualki konektatzeko eta ondo pasatzeko
-
Dozenaka lehiaketa eta prestakuntza-ekintza eskainiko ditu Euskal Encounter lanpartyaren online edizioak
Euskal Encounter 28 online egingo den arren, antolatzaileek esfortzu berezia egin dute bilkura presentzialek barne hartzen dituzten ekintza guztiak eskaintzeko, baita parte-hartzaileen arteko hartu-emana sustatzeko ere, urruntasun fisikoa ahalik eta gutxien nabaritu dadin. Horretarako, uztailaren 24 eta 26 bitartean ospatuko den festak ohiko lehiaketak mantendu eta 30 hitzalditik gora eskainiko ditu teknologia berriekin loturiko formakuntzari bultzada emateko. Izen-emate epea zabalik egongo da aste honetan, eta, guztira, 5088 lagunek parte hartu ahal izango dute, iaz BECeko topaketan eserlekua izan zuten pertsonen kopuru berberak.
-
Euskal Encounter topaketa teknologiko handiaren 28. edizioa online egingo da
Estatuko lanparty handi eta urtetsuenak ez du hutsik egingo aurten ere. Uztailaren 24tik 26ra bitartean izango da, eta 5.088 plaza birtual eskainiko ditu, iaz Bilbao Exhibition Centerren egin zen edizio presentzialean bezala. Aurten, pandemiaren eraginez, ezin izan da formatu tradizionalean gauzatu, baina nostalgiaz beteriko keinua egin nahi izan dute antolatzaileek: Urretxun (Gipuzkoa) bilduko dira, lehen Euskal Encounterra egin zen leku berean, lanpartyaren arlo guztiak koordinatzeko. Ederrena frontoian egin zen lehen bilkura, 1994an, 25 ordenagailurekin eta internetik gabe. Euskal Encounter 28aren online bertsioak programa zabala izango du hiru egunetarako, prestakuntza- eta jolas-jarduerak, arte digitaleko lehiaketak, programazioa eta bideo-jokoak barne dituena, besteak beste. Edizio birtual honetan, Opengunea, teknologia berriekin lotutako enpresak hartzen dituen espazio irekia, eremu birtual bihurtuko da, eta doako jarduera ludikoak eta hitzaldiak izango ditu, interesa duten guztientzat.
Gipuzkoa Encounter 14
-
1.800 pertsona bildu dituen Gipuzkoa Encounter bilkura teknologikoak “erabateko arrakasta” izan duela diote antolatzaileek
14. edizioaren formatua moldatu dute konfinamendu-aldira egokitzeko, eta 1.800 parte-hartzaile baino gehiago bildu ditu; izan ere, izena eman duten 456 pertsonez gain,. beste 1.400 pertsona konektatu dira sarbide librea zuen Opengune kanalera Sabino San Vicentek, Euskaltel Fundazioko zuzendariak, uste du erabilitako aukera teknikoak irtenbide sendoa direla. Horregatik adierazi du ekimen honek erreferentzia gisa balio duela nazioartean, isolamendu garaian topaketa birtual anitzak egin ahal izateko Euskaltel Fundazioak antolatutako party birtualean, arte digitalarekin, hardwarearekin, software librearekin eta jokoekin lotutako jarduerak eta lehiaketak egin dira. Halaber, hitzaldiak eta publiko orokorrarentzako jarduera irekiak eskaini dira Online plataformetan sortutako atalek aurrez aurreko topaketarako aurreikusitako jarduera-eremu eta espazio berak islatu dituzte; hala nola kafetegia, spa, jantokia, akreditazio-gunea eta logela
-
Makinek giza emozioak antzemateko duten ahalmena aztertuko du Gipuzkoa Encounter birtualak
‘GE14: Geratu Etxean Edition’ topaketak, konfinamendu-egoeraren oztopoak gaindituz, isolamenduari aurre egitea lortu du. Online bilkurak hitzaldi eta tailerrak hartzen ditu barne, gai anitzen inguruan: pertsonen gogo-aldartea ezagutzen laguntzen duten algoritmoak, 3D inprimaketa, droneak eta datuak monitorizatzeko erremintak, besteak beste Uneotan beharrezkoa dugun material sanitarioa garatzeko ezinbesteko tresna da 3D inprimaketa, eta gaur aztergai izango da hitzaldi batean Real Sociedad futbol taldearekin elkarlanean, Gipuzkoa Encounterren barne gauzatzen ari de FIFA 20 bideo-joko lehiaketako lehen sailkatuak Andoni Gorosabel eta Yeray Zaballosen aurka lehiatuko dira gaur Izena eman duten pertsonen eta bisitarien artean 1800 lagunetik gora elkartu ditu bilkura birtualak; eta egitasmoaren arrakasta eredugarria da aisialdi- eta prestakuntza-ekintzak kanal desberdinen bitartez burutu nahi dituzten ekimenentzat, kontrol sistema zentralizatu presentzial baten beharrik gabe Gipuzkoa Encounter Euskaltel Fundazioak antolatu du, Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI taldearen bidez) laguntzarekin
-
Gipuzkoa Encounter birtualak 1800 pertsona elkartu ditu online dagoeneko
Antolatzaileak oso pozik daude ekimenak izandako harrerarekin, 1800 pertsona baino gehiago batu baitira festara: izena eman duten 456 lagunez gain, beste 1400 pertsona hurbildu dira sarrera libreko Opengune kanalera Euskaltel Fundazioak antolatutako online partyak Tolosako topaketa presentzialerako aurreikusita zeuden arlo berak hartzen ditu barne, kafetegia, spa, jangela, akreditazioen gunea eta logela barne. Parte-hartze handia dago proposatutako ekintza eta lehiaketetan, eta elkarlan giroa da nagusi Egitasmoaren 14. edizioak, ‘GE14: Geratu Etxean Edition’ izenburupean, konfinamendu-egoerara egokitu du bere formatua. Jarduera guztiak birtualak dira eta bai partaide bai antolatzaileak norbere etxean daude. Horrelako bilkura baten aurrekaririk ez dago Gipuzkoa Encounter Euskaltel Fundazioak antolatu du, Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI taldearen bidez) laguntzarekin
-
Gipuzkoa Encounter birtuala gaur hasiko da, 456 partaiderekin
Ekimenaren 14. edizioak, ‘GE14: Geratu Etxean Edition’ izenekoak, harrera ikusgarria izan du; eskainitako plaza guztiak berehala agortu dira Gaurtik larunbatera bitartean, dozenaka online jarduera egingo dira eta bai parte-hartzaileak bai antolatzaileak beren etxeetatik jardungo dira. Ez dago horrelako egitasmo baten aurrekaririk eta teknologia berrien zaleen topagune izatea du helburu, baita Covid-19 pandemiak eragindako konfinamendua jasaten lagundu ere Tolosako Usabal kiroldegian egitea aurreikusita zegoen topaketa bertan behera utzi eta gero, Gipuzkoa Encounterreko antolatzaileak gai izan dira egun gutxitan edizio birtuala abian jartzeko. Ohikoa den moduan, partyak trebakuntza-jarduera, bideo-joko lehiaketa eta txapelketa ugari hartuko ditu barne; azken horiek, arte digital,hardware eta segurtasun informatikoa bezalako arloen inguruan izango dira Gaur arratsaldeko inaugurazioan, José Miguel García Fernández Euskalteleko kontseilari delegatuak hartuko du parte. Berarentzat, Gipuzkoa Encounter birtual hau “erreferentziazkoa izango da munduan”. Grabatutako hitzaldian, antolakuntza-taldeari eskerrak eman nahi dizkio: “Bereziki harro sentiarazten gaitu ekimen honek” Gipuzkoa Encounter Euskaltel Fundazioak antolatu du, Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI taldearen bidez) laguntzarekin
-
Gipuzkoa Encounter 14 topaketa berpiztu egin da, eta marka berria hautsiko du formatu birtualera egokituz
Ekimenaren 14. edizioa, ‘GE14: Geratu Etxean Edition’ lelopean, datorren astean burutuko da, martxoaren 26tik 28ra, aurreikusita zegoen bezala. Baina egoera berrira egokituz, jarduera guztiak online egingo dira; hau da, bai parte-hartzaileak bai antolatzaileak beren etxeetatik arituko dira. Ez dago horrelako egitasmo baten aurrekaririk Covid-19 koronabirusaren pandemiak Tolosako Usabal kiroldegian aurreikusita zegoen lanpartya bertan behera uztera behartu zuen, baina bilkura presentziala online formatura eramateko gai izan dira antolatzaile eta laguntzaileak. Hiru egunez, jarduera ludikoak eta hezigarriak tartekatuko dira Euskal Encounterren Twitch eta Discord kanalen bitartez Gipuzkoa Encounterren online edizioak 456 plaza birtual izango ditu, Tolosan gauzatu behar zen lanpartyan eskainiko zirenak bezainbeste. Usabaleko sarrera erosi zutenek dute, inolako kosturik gabe, topaketa berrian parte hartzeko aukera, eta libre geratzen diren lekuak itxarote-zerrendako lagunek beteko dituzte Gipuzkoa Encounter Euskaltel Fundazioak antolatu du, Tolosako Udalaren, Gipuzkoako Foru Aldundiaren eta Eusko Jaurlaritzaren (SPRI taldearen bidez) laguntzarekin
-
Gipuzkoa Encounter 14, bertan behera
Covid-19 koronabirus-pandemiak sortutako egoeraren aurrean, bilkura bertan behera uztea erabaki dute antolatzaileek eta Tolosako Udalak. Hamalaugarren edizioa martxoaren 27tik 29ra egitea aurreikusita zegoen Tolosako Usabal kiroldegian Sarreren kostua osorik itzuliko zaie parte-hartzaileei hurrengo egunetan zehar. Bai antolatzaileak bai Tolosako agintariak atsekabetuta daude erabakiak ekimenean izena eman duten pertsonei eta gonbidatutako profesionalei eragin diezazkiekeen kalteengatik, baina gogorazi dute guztion erantzukizuna dela gaixotasunaren transmisioari aurre egitea Euskaltel Fundazioa da topaketaren antolatzaile nagusia, Euskaltelen, Tolosako Udalaren, Gipuzkoako Foru Aldundiaren eta Eusko Jaurlaritzaren laguntzarekin, SPRI taldearen bidez
